Վերջին 10 տարում ամերիկացիների իրանները լայնացել են մոտ 3 սանտիմետրով, գրում է The Washington Post-ը՝ հղում անելով ԱՄՆ հիվանդությունների վերահսկողության և կանխարգելման կենտրոնի նոր հեազոտությանը:
Եթե 1999–2000 թթ. կենտրոնական ճարպակալմամբ տառապել է ԱՄՆ բնակիչների 46%-ը, ապա 2011–2012 թթ. այդ ցուցանիշը հասել է 54%-ի: Նույն ժամանակահատվածում ամերիկացիներն իրանի մասում գիրացել են միջինում 37,6 դյույմից (մոտ 96 սմ) մինչև 38,8 դյույմ (մոտ 99 սմ):
Կենտրոնական ճարպակալման դեպքում որովայնի մասում ճարպային ավելցուկ է նկատվում, նշում է թերթը: Ըստ հետազոտության՝ 2011-2012 թթ. այդպիսի ճարպակալմամբ տառապել է մոտ 3 ամերիկուհուց 2-ը և ամերիկացիների 44%-ը:
Փորձագետներն ուսումնասիրել են ԱՄՆ 19 տարեկանից մեծ ավելի քան 32 000 բնակչի տվյալները:
