Եվրոպայում 14 ամիս շարունակ կրճատվում է նոր մեքենաների գրանցման թիվը. նոյեմբերին այդ ցուցանիշն ընկել է 10 %-ով: Այս մասին հաղորդում է RBK-ն` վկայակոչելով ավտոարտադրողների եվրոպական ասոցիացիայի տվյալները:
Վերլուծաբանների կարծիքով` եվրոպական շուկայի համար 2012 թ. կդառնա ամենավատը վերջին 19 տարիների ընթացքում: Լուրջ փոփոխություններ պետք է չէ ակնկալել նաև 2013 թ.:
Նոյեմբերին Շվեյցարիայում և Նորվեգիայում գրացվել է 967 հազար նոր ավտոմեքենա, ինչը 10%-ով ավելի քիչ է նախորդ տարվա ցուցանիշից: Տարեսկզբից ավտոմեքենաների համընդհանուր վաճառքի թիվը, նախորդ տարվա համեմատությամբ, կրճատվել է 7.5%-ով:
Ավտորարտադրողների եվրոպական ասոցիացիան ենթադրում է, որ ընկերություններն ընթացիկ տարում կկարողանան իրացնել 12.2 միլիոն ավտոմեքենա, ինչն ամենավատ ցուցանիշն է 1993 թվից ի վեր:
Եվրոպայում ավտոշուկան ամենաշատը տուժել է Իսպանիայում (-20,3%) և Ֆրանսիայում (-13%): Իսկ, օրինակ, Մեծ Բրիտանիայում գրանցվել է 11% աճ:
Եվրոպական մի քանի ավտոընկերությունների վաճառքի ցուցանիշները շուկայականից ավելի վատ են եղել: Ֆրանսիական Renault և Peugeot ընկերությունները գրանցել են համապատասխանաբար 27% և 16% վաճառքի անկում: Ճգնաժամին կարողացել են դիմակայել BMW և Mercedes ընկերությունները, որոնք համապատասխանաբար գրանցել են 3.8%, 1.2% աճ: Եվրոպայի խոշորագույն ավտոարտադրող Volkswagen ընկերությունը վաճառքի իր ցուցանիշները կրճատել է 2.5%-ով:
