Ամերիկացի ռեփեր Քանե Ուեսթին քննադատել են այն պատճառով, որ նա Սիդնեյում համերգի ժամանակ խնդրել է կանգնել հաշմանդամի սայլակին նստած դեռահասին:
Buzzfeed-ի փոխանցմամբ՝ Good Life հիթի կատարման ժամանակ Ուեսթը խնդրել է բոլորին կանգնել: «Ես չեմ երգի այս երգը և չեմ շարունակի շոուն, քանի դեռ դուք չեք կանգնել»,- ասել է ռեփերը:
Երկու դեռահասներ չեն շտապել կատարել ռեփերի խնդրանքը: Նրանցից մեկը նույնիսկ Ուեսթին է ցույց տվել ոտքի պրոթեզը, որպեսզի վերջինս համոզվի, որ նա կանգնել չի կարող:
Ռեփերը նրան թույլ է տվել նստել, սակայն չի մտածել, որ նրան ուղեկցող երիտասարդը նույնպես սահմանափակ հնարավորություների տեր մարդ է:
«Ես երբեք ստիպված չեմ եղել այսքան երկար սպասել, որպեսզի երգեմ այս երգը: Անհավանական է»,- գոչել է կատարողը: Մի քանի վայրկյան անց, հասկանալով իր սխալը, Ուեսթը ասել է. «Եթե նա նույնպես հաշմանդամի սայլակով է, թող նստի»:
Այդ դեպքից հետո համերգը շարունակվել է: Նախկինում Քանյեն երբեք սահմանափակ հնարավորություններով մարդկանց նկատմամբ անհանդուրժող չի եղել. համերգներից մեկի ժամանակ նա թույլ է տվել սայլակով իր երկրպագուին բեմից երգել իր հետ և նրան է նվիրել միկրոֆոնը:
