Դեկտեմբերի 17-ին ԱՄՆ-ում սկսում են թաղել Նյութաուն քաղաքի «Սենդի Հուք» դպրոցում 20-ամյա Ադամ Լանզայի կոմից սպանված երեխաներին, հայտնում է Interfax-ը:
Առաջինը կթաղվեն երկու 6-ամյա տղաներ՝ Նոա Պոզներն ու Ջեք Փինթոն: Դպրոցում սպանվել էր 20 երեխա, մարդասպանի մայրը, 6 ուսուցիչ ու դպրոցի 1 աշխատակից:
Մարդասպանն ինքնասպան էր եղել դեպքի վայրում:
ԱՄՆ-ում սպանդից հետո հայտարարվել է 4-օրյա սուգ: Դեպքի վայր է ժամանել ԱՄՆ նահագահ Բարաք Օբաման, ով խոստացել է ողբերգությունները կանխելու էլ ավելի մեծ ջանքեր գործադրել։
Կոնեկտիկուտի բազմաթիվ դպրոցներում, ի հիշատակ զոհերի, կհայտարարվի լռության րոպե:
Դատաբժշկական փորձաքննությունը պարզել է, որ հրաձիգի բոլոր զոհերը սպանվել են ավտոմատ հրացանից ստացած բազմաթիվ վնասվածքներից:
20-ամյա Լանզան ներխուժել էր դպրոց դեկտեմբերի 14-ին: Սկզբում նա սեփական տան մեջ գնդակահարել էր մորը, ապա նստել մեքենա, ուղևորվել դպրոց և կրակ բացել ուսումնական հաստատությունում:
