Հասարակական կարծիքի հարցումները ցույց են տալիս, որ Չինաստանի ու Ճապոնիայի միջև Սենկակու կղզու համար տարածքային վեճի սրումից 2 տարի անց փոխադարձ լարվածությունը որոշ չափով նվազել է, սակայն երկու երկրների միջև հետագա հարաբերությունների հոռետեսությունը պահպանվում է:
Երկրի բնակչության մեծամասնությունը, ինչպես նախկինում, տարածքային հավակնությունները համարում է բավական նշանակալից, սակայն նման կարծիք ունեցող մարդկանց բաժինը երկու կողմերում կրճատվել է մինչև ռեկորդային մակարդակ՝ Չինաստանում հարցվածների մինչև 65%-ը ու Ճապոնիայում՝ 70.6%-ը՝ գրում է China Daily-ն՝ հիմնվելով չինա-ճապոնական հարաբերությունների սոցիոլոգիական հետազոտությունների վրա:
Ամենամյա հարցումն անցկացվել է այս տարվա հուլիսին ու օգոստոսին ու թույլ է տվել պատկերացում կազմել հասարակության տարբեր խավերի տրամադրությունների մասին:
Այս տարի ճապոնա-չինական հարաբերություններում տարածքային վեճը հիմնական փորձաքար է համարում չինացիների 64.8%-ը ու ճապոնացիների 58.5%-ը, իսկ անցած տարի այն կազմել էր 77.5 ու 72.1%՝ համապատասխանաբար:
Հարցման արդյունքներով՝ չինացիների 53.4%-ը կարծում է, որ 2020թ. Ճապոնիայի հետ պատերազմ կսկսվի:
