Երաժիշտ և պրոդյուսեր Ջեք Ուայթը չի մասնակցի Գոռ Վերբինսկու «Միայնակ ռեյնջերը» (The Lone Ranger) ֆիլմի սաունդթրեքի ձայնագրմանը` հաղորդում է Slashfilm պորտալը:
Նրան կփոխարինի Հանս Ցիմերը, որն ավելի վաղ գրել էր «Կարիբյան կղզու ծովահենները» և «Սև ասպետը» ֆիլմերի սաունդթրեքները:
Ուայթին ստիպված էին փոխարինել ֆիլմարտադրողի ու երաժշտի գրաֆիկների անհամապատասխանության պատճառով` նշվում է հաղորդագրության մեջ: Ֆիլմում որոշ կոմպոզիցիաներ ամեն դեպքում Ուայթն է գրել, որոնք տեղ կգտնեն սաունդթրեքում:
Ջեք Ուայթը երբևէ հանդես չի եկել որպես ֆիլմի գլխավոր կոմպոզիտոր, թեև նրա առանձին կոմպոզիցիաներ ներառվել են ֆիլմերի սաունդթրեքի մեջ:
Մասնավորապես, նրա երաժշտությունը հնարավոր է լսել «Բարեգթության քվանտ» և «Սառը լեռը» ֆիլմերում:
Հանս Ցիմերը երաժշտություն է գրել տասնյակ ֆիլմերի համար` ներառյալ «Անձրևի մարդը», «Ավելի լավ չի լինում», «Գլադիատոր», «Շերլոկ Հոլմս» ֆիլմերի և «Առյուծ արքան» մուլտֆիլմի համար: Վերջինիս համար գրված երաժշտությունը ստացել է «Օսկար»:
«Միայնակ ռեյնջերը» վարձույթ դուրս կգա 2013թ. հուլիսին:
