Ցանցային բառապաշարի անբաժանելի` OMG (Oh my God) և LOL (laughing out loud) հապավումները հայտնվել են Օքսֆորդի մեծ բառարանում: Այս մասին հաղորդում է BBC-ն:
Առաջինը անգլերենից թարգմանաբար նշանակում է «Աստված, իմ» և զարմանք է նշանակում, իսկ երկրորդը` «բարձր ծիծաղել», որը ցանցային բառապաշարում նշանակում է բարձրաձայն ծիծաղ:
Բառարանում է հայտնվել նաև <3 խորհրդանիշը, որը ցանցային լեզվով սեր է նշանակում, քանի որ այն շրջելով ստանում ենք սիրտ: Այս հապավումներն ու խորհրդանիշերը հայտնվել են ոչ միայն ինտերնետում, այլ նաև տպագիր մամուլում: Մինչ այդ Օքսֆորդի բառարանում են հայտնվել IMHO (in my humble opinion) հապավումը, որ նշանակում է «իմ համեստ կարծիքով», TMI-ը (too much information)` «չափազանց շատ տեղեկություններ» և BFF-ը (best friends forever)` «ընդմիշտ լավագույն ընկերներ»:
