Հորդառատ անձրևների պատճառով ճապոնական ամենահյուսիսային Հոկայդո կղզու գլխավոր քաղաքի 702 հազար բնակիչներ ստացել են տարհանման հրաման: Այս մասին հայտնում է RIA Novosti-ն՝ հղում անելով տեղի իշխանություններին:
Ճապոնիայի հիդրոօդերևութաբանական վարչությունը հայտարարել է վտանգավորության ամենաբարձր աստիճանի մասին:
«Հատուկ տագնապ» է հայտարարվել Իսիկարի շրջանում, որտեղ գտնվում է Հոկայդո պրեֆեկտուրայի կենտրոնական քաղաքը՝ Սապորոն, որտեղ մի քանի օրում գրանցվել են ավելի քան 400 միլիմետր տեղումներ, ընդ որում, դրանց կեսը՝ վերջին 5 ժամում:
Հիդրոօդերևութաբանները բնակիչներին զգուշացնում են հետևել տարհանման մասին վարչակազմի հրամանին և դուրս չգալ փողոցներ, եթե իրավիճակը սպառնալից դառնա:
