ԱՄՆ Սենատի Միջազգային հարցերով հանձնաժողովի ղեկավարի պաշտոնում կարող է նշանակվել Նյու Ջերսիից 59-ամյա դեմոկրատ, հայամետ սենատոր Ռոբերտ Մենենդեսն այն բանից հետո, երբ ներկայիս ղեկավար Ջոն Քերին հաստատվի պետքարտուղարի պաշտոնում: Նշենք, որ Մենենդեսը հայտնի է Ցեղասպանության ճանաչման կոչերով:
«Հանձնաժողովի ղեկավարի պաշտոնում, եթե այն, իհարկե, ազատվի, առավել հավանական թեկնածուն կդառնա Մենեդեսը»,- RIA Novosti-ին հայտնել է հանձնաժողովի աղբյուրը՝ վստահություն հայտնելով, որ սենատորը հիանալի կկատարի Սենատի առանցքային հանձնաժողովներից մեկի ղեկավարի աշխատանքը:
Մենենդեսը, որը ծնվել է Կուբայում և ծնողների հետ մանուկ հասակում տեղափոխվել ղէ ԱՄՆ, համարվում է «կուբայական հարցի» մասնագետ: Նրա նշանակմանն այդ պաշտոնում կարող է խանգարել վերջերս տեղի ունեցած սկանդալը:
Դեկտեմբերի 12-ին ԱՄՆ միգրացիոն ծառայությունը հաղորդել էր այն մասին, որ սենատորի ապարատում աշխատում է մի ստաժավորվող, որը վիզայի ժամկետի ավարտից հետո ապօրինաբար է գտնվում երկրում: Համաձայն իրավապահ մարմինների հայտարարության, այդ մարդը նաև հաշվառված է տվյալների բազայում՝ որպես սեռակայն հողի վրա իրականացված հանցագործության մասնակից: Սենատորն անձամբ հայտարարել է, որ չի իմացել, թե իր ապարատում նման մարդ է աշխատում:
