Աուտիզմի խնդիրներով զբաղվող ամերիկյան կազմակերպությունը 20-ամյա Ադամ Լանզայի՝ դպրոցի վրա հարձակում կատարելու մասին ԶԼՄ-ների արած հայտարարություններից հետո նշել է, որ չպետք է աուտիզմը կապել ցանկացած տիպի բռնության հետ:
Daily News-ը պնդում է, որ Լանզան անհավասարակշռված վիճակում էր գտնվում և տառապում էր Ասպերգերի համախտանիշով (աուտիզմի ձևերից մեկը):
Autism Speaks ամերիկյան ասոցացիայի նախագահը կոչ է արել աուտիզմը չկապել բռնության նկատմամբ հակման հետ:
Նույնատիպ հայտարարությամբ է հանդես եկել նաև աուտիզմով տառապող մարդկանց իրավապաշտպանությամբ զբաղվող ASAN կազմակերպությունը:
Իր հայտարարության մեջ ASAN-ը նշել է նաև, որ աուտիզմով կամ հաշմանդամության այլ տիպով տառապող ամերիկացիներն ավելի հաճախ չեն բռնարարքներ թույլ տալիս, քան հաշմանդամություն չունեցող մարդիկ: ASAN-ի կարծիքով՝ աուտիզմով տառապող մարդիկ առանց այն էլ իրենց ամբողջ կյանքի ընթացքում անընդհատ բախվում են խտրականությունների:
Կազմակերպությունները մարդկանց կոչ են արել կենտրոնանալ տուժածների և նրանց ընտանիքների վրա:
