Ռոմինգից օգտվելը Ռուսաստանում Orange-ի բաժանորդների համար դարձել է ավելի հարմար: Այժմ նրանք կարող են հեշտությամբ լիցքավորել իրենց հաշիվները Ռուսաստանի ողջ տարածքում գործող ավելի քան 90’000 RAPIDA վճարումների ընդունման կետերի միջոցով: Հաշիվը կարելի է լիցքավորել 10-ից 15 000 ռուբլիով՝ բանկոմատների, ինքնասպասարկման համակարգերի և բջջային հեռախոսների միջոցով: Orange-ի բաժանորդները իրենց հաշիվները կարող են լիցքավորել նաև առցանց՝ www.rapida.ru կայքում նախապես գրանցելով RAPIDA էլէկտրոնային քսակ:
Rapida վճարային համակարգը ընդլայնում է Orange-ի բաժանորդների կողմից արտերկրում իրենց հաշիվը լիցքավորելու հնարավորությունների շրջանակը՝ համալրելով Orange-ի բաժանորդներին արդեն հասանելի QiWi, Orange Top-up, Ezetop և INTEREXPRESS վճարային համակարգերի շարքը:
«Բոլորովին վերջերս մեր բաժանորդներին առաջարկեցինք Ռուսաստանում ռոմինգ ծառայություններից օգտվելու ավելի հարմար պայմաններ՝ նրանց հնարավորություն ընձեռելով Orange-ի և MegaFon-ի ցանցերում գտնվող իրենց մտերիմների հետ շփվել ընդամենը 29 դրամ/րոպե սակագնով: Այսօր ուրախ ենք հայտարարել, որ Ռուսաստանում ռոմինգից օգտվող մեր բաժանորդների համար իրենց հաշիվը լիցքավորելն առավել հեշտ է դարձել: Այլ վճարային համակարգերից բացի՝ այժմ նրանք կարող են օգտագործել նաև Rapida վճարային համակարգը», – ասաց Օրանժ Արմենիայի գլխավոր տնօրեն Ֆրանսիս Ժելիբտերը:
Հիշեցնենք, որ Orange-ի և MegaFon-ի համագործակցության շրջանակներում Ռուսաստանում ռոմինգից օգտվելիս Orange-ի բաժանորդներն Օրանժ Արմենիայի և MegaFon-ի ցանցեր զանգեր կատարելու և նշված ցանցերից զանգեր ընդունելու, ինչպես նաև ինտերնետից օգտվելու համար վճարում են ընդամենը 29 դրամ:
Rapida-ի և արտերկրում հաշվի լիցքավորման ծառայություններ մատուցող այլ գործընկերների վերաբերյալ մանրամասներին կարելի է ծանոթանալ՝ այցելելով http://orangearmenia.am/en/help_centre/balance-recharging/ կայք:
