Կիրակի օրը Նյու Յորքում տեղի է ունեցել «Սերգեյ Դովլաթովի անցուղի» ցուցանակի պաշտոնական բացումը՝ հայտնում է Ria Novosti-ն՝ նշելով, որ Քունիսի Ֆորեսթ-Հիլլս թաղամասի 108-րդ և 63-րդ փողոցների խաչմերուկում դժվարությամբ են տեղավորվել միջոցառման մասնակիցները, որոնց մեծ մասը եղել են ռուսախոս ամերիկացիներ:
Միջոցառմանը ներկա է եղել գրողի այրին՝ Ելենան, և դուստրը՝ Կատերինան, որոնք մինչ օրս այդ փողոցում են ապրում:
Նյու Յորքի պատմության մեջ առաջին անգամ փողոցը կրել է ռուս գրողի անուն:
Սերգեյ Դովլաթովը 1978թ. իշխանությունների հետապնդման պատճառով ԽՍՀՄ-ից արտագաղթել է ԱՄՆ: Նրա տեղափոխվելուց կարճ ժամանակ անց գրողի պատմվածքները սկսել են տպագրվել The New Yorker թերթում: 1980-ին Դովլաթովը դարձել է «Նոր ամերիկացի» ռուսերեն շաբաթաթերթի հիմնադիրներից մեկը:
Արտագաղթից հետո 12 տարի նա հրատարակել է 12 գիրք, որոնք թարգմանվել են եվրոպական շատ լեզուներով, ճապոներեն, չինարեն: Գրողի առավել հայտնի ստեղծագործություններից են՝ «Գոտին», «Ճամպրուկը», «Արգելոցը», «Փոխզիջումը»:
