Աշխարհի ամենատարօրինակ ալկոհոլային խմիչքները.
1. Տոնգբա. այն ոչ միայն ըմպելիք է, այլև Նեպալի ու Հնդկաստանի յուրօրինակ տեսարժան պարագան։ Խմիչքը պատրաստում են ցորենից, թողնում են որոշ ժամանակ, որպեսզի սկսի եռ գալ։ Ստացված խյուսը համեմում են խոտերով ու մի քանի ամիս թողնում փակ տեղում։ Խառնուրդը լցնում են հատուկ լաքապատված փայտե բաժակի մեջ, վրան լցնում եռման ջուր և տաք ըմպելիքը խմում ձողիկով։
2. Ըմպելիքի համն ու թունդությունը (6-8 աստիճան) հիշեցնում է էլ, սակայն տոնգբան ունի հացի վառ արտահայտված թթու համ։ Այն պատրաստում են բարձրլեռնային գյուղերում, ընդ որում՝ յուրաքանչյուր գյուղի տոնգբան համով փոքր-ինչ տարբեր է։ Չնայած խմիչքի թնդությունը բավականին ցածր է, սակայն բարձրլեռնային պայմաններում կարելի է արագորեն հարբել։
3. Կաթնային գարեջուր Bilk
Ճապոնացիները վաղուց հռչակվել են անհամադրելին համադրելու իրենց մոլուցքով։ Այդ պատճառով զարմանալի չէ, որ այդ երկրում մեծ տարածում ունի գարեջրից ու կաթից պատրաստված այդ ըմպելիքը։ Bilk ապրանքանիշը հայտնի է դարձել նաև այն պատճառով, որ նոր ըմպելիքի անվան համար ճապոնացիները, երկար չմտածելով, պարզապես համատեղել են milk և beer (կաթ և գարեջուր) բառերը՝ ստանալով անգլիական bilk բայը, որը նշանակում է «խաբել»։
4. Շնապս «Գոլդենրոտ»
«Գոլդենրոտը» հայտնի շվեյցարական շնապս է դարչինով և ունի 53,3% թնդություն։ Ըմպելիքի հմայքը շշի միջի ոսկյա փաթիլներն են։ Ըմպելիքի յուրաքանչյուր լիտրում կա 15 միլիգրամ մանրացված իսկական ոսկի։ Խմիչքը վայելելու համար պետք է սկզբում քամել։ Իսկական գուրմաններն այն չեն քամում, ինչից, սակայն, հետագայում չափազանց տուժում են. օրգանիզմի մեջ հայտնված ոսկու փաթիլները կարող են լրջորեն վնասել ստամոքսը, աղիներն ու կերակրափողը։
5. Mamma Mia Pizza beer
Ամերիկյան Իլինոյսում բնակվող ամուսիններ Թոմ և Աթենա Սիֆուրթները չեն վախենում էքսպերիմենտներից։ Նրանք արտադրել են գարեջուր՝ 4,6% ստանդարտ թնդությամբ և… «Մարգարիտա» պիցցայի համով։ Այն պատրաստելու համար գարեջրագործները սկզբում պատրաստում են պիցցան, հետո աղում են այն, դնում պարկի մեջ և տեղադրում եռացող կաթսայի մեջ։ Ստացված խմիչքն ունի պիցցայի հոտ և սխտորի, բազիլիկի ու օրենգոյի համ։
6. Gilpin Family Whisky
Դիզայներ և հետազոտող Ջեյմս Գիլինը հայտնագործել է Gilpin Family հավաքածուի վիսկիի բաղադրատոմսը։ Ասում են, որ այն հրաշալի համ ունի՝ տտիպ ու միաժամանակ փափուկ։ Ըմպելիքի հիմնական բաղադրիչը երկրորդ տիպի շաքարային դիաբետով հիվանդ տարեց մարդկանց մեզն է։
7. Չիչա
Լատինական Ամերիկայում կարելի է համտեսել չիչա կոչվող ըմպելիքը, որի թնդությունը 3-50% է։ Խմիչքն այնքան հնագույն է, որ այն խմել են նույնիսկ ինկերը։ Չիչա պատրաստելու համար կանայք մանրակրկտորեն ծամում են մաիսի հատիկները, հետո թքում են ստացված զանգվածը, վրան ջուր լցնում, թողնում եփ գա մինչև հարկավոր թնդությունը։ Ծամելը նրա համար է, որպեսզի թուքը քայքայի եգիպտացորենի օսլան։
