ԱՄՆ կառավարության Հեռարձակման կառավարման խորհուրդը (Broadcasting Board of Governors – BBG) մտադիր է ստուգել «Ազատություն» ռադիոկայանի աշխատանքը Freedom House իրավապաշտպան կազմակերպության սուր քննադատությունից հետո, հաղորդում է BBC-ին:
Խորհրդի նախագահի պարտականությունները կատարող Մայքլ Լինթոնը հայտարարել է ռադիոկայանի խմբագրությունում վեցամսյա ստուգումներ սկսելու մասին
Հինգշաբթի Freedom House-ի ղեկավար Դևիդ Կրամերը քննադատել է «Ազատություն» ռադիոկայանի ռուսական ծառայության անցկացրած բարեփոխումը և հայտարարել, որ ռադիոկայանի տնօրեն Սթիվեն Քորնը ԶԼՄ-ներին ավելի շատ է վնասել, քան Պուտինը:
BBG հանձնաժողովը իր անհանգստությունն է հայտնել երկու ամսվա ընթացքում ռադիոկայանի կայք այցելության 50%-ով նվազման կապակցությամբ:
Սեպտեմբերին «Ազատություն» ռադիոկայանի ռուսական ծառայության ղեկավար է դարձել Մաշա Գեսենը, որից հետո խմբագրության մի շարք աշխատակիցներ հեռացվել են աշխատանքից: Գեսենի խոսքերով` այդ որոշումը կայացվել է առանց իր մասնակցության: