Դորտմունդի «Բորուսիա»-ի դարպասապահ Ռոման Վայդենֆելերը նշել է, որ մտադիր է իր ներկայիս ակումբում հանդես գալ մինչև կարիերայի ավարտը: 34-ամյա դարպասապահը «Բորուսիա»-ում հանդես է գալիս 2002 թվականից: Նա շուրջ 300 հանդիպում է անցկացրել ակումբի կազմում:
«Ֆուտբոլում երբեք չի կարելի վստահ լինել որևէ հարցում: Ես ցանկանում եմ խաղալ ևս մի քանի տարի: Հուսով եմ, որ կարիերաս կավարտեմ Դորտմունդի «Բորուսիա»-ում:
Ես սիրում եմ ակումբը, երկրպագուներին և ամենն, ինչ կապված է «Բորուսիա»-ի հետ: Թիմիս հետ բարդ ուղիներով եմ անցել: Այժմ էլ ցանկանում եմ հաճույք ստանալ լավ ժամանակներից»,- Bild-ը մեջբերում է Վայդենֆելերի խոսքերը:
