Նյու Յորքի քաղաքապետ Մայքլ Բլումբերգը դեկտեմբերի 14-ին հաղորդել է, որ ԱՄՆ-ը պետք է անմիջապես փոփոխություններ մտցնի զենքի մասին օրենքում, որը թույլ կտա կրճատել մարդկանց կողմից կատարվող ահաբեկչությունների թիվը ամերիկյան քաղաքներում:
Քաղաքական գործչի խոսքերով՝ նման որոշման կայացման համար քաղաքական կամք է պահանջվում, որը չունի գործող իշխանությունը:
«Երկրին անհրաժեշտ ղեկավարումը չի նկատվել ոչ Սպիտակ տան, ոչ էլ Կոնգրեսի կողմից: Այսօր դա պետք է ավարտվի: Դա ազգային ողբերգություն է, և այն ազգային պատասխան է պահանջում»,-հայտարարել է Բլումբերգը:
Քաղաքապետը այն 600 քաղաքապետերից է, ովքեր դեմ են զենքի ապօրինի օգտագործմանը:
Քաղաքական գործչի հայտարարությունը հնչել է ահաբեկչությունից անմիջապես հետո, որը իրականացրել է հանցագործ Ադամ Լանզը: Երիտասարդը, նախնական տվյալներով, գնդակահարել է 26 մարդու, այդ թվում նաև` սեփական ծնողներին, որից հետո հաշիվները մաքրել է սեփական կյանքի հետ:
Ողբերգությունը տեղի է ունեցել դեկտեմբերի 14-ին Կոնեկտիկուտ նահանգի Սենդի Հուք դպրոցում: Մոլագարի զոհերից 20-ը երեխաներ են:
Մի քանի ժամ անց Բարաք Օբաման դիմել է համաքաղաքացիներին՝ նրանց կոչ անելով իրենցից կախված ամեն ինչ անել նմանատիպ հանցագործությունները կանխելու համար:
