Այսօր՝ դեկտեմբերի 14-ին, ավտովթար է տեղի ունեցել Կոտայքի մարզում: Ժամը 19:00-ի սահմաններում, «Վազ 2107» մակնիշի 03 ՕՍ 750 համարանիշի ավտոմեքենայի վարորդը Երևան-Սևան ավտոճանապարհի 29-րդ կմ հատվածում դուրս է եկել ճանապարհի երթևեկելի գոտուց և գլխիվայր շրջվել:
Ինչպես հայտնում է shamshyan.com-ը, վթարի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի աշխատակիցները՝ վաշտի հրամանատար Արսեն Գրիգորյանի գլխավորությամբ:
Շրջված ավտոմեքենայում ոչ ոք չի եղել: ՃՈ տեսուչները ոստիկանության Հրազդանի բաժնի աշխատակիցների հետ փորձում են պարզել վարորդի ինքնությունը, և արդյոք մեքենայում ուղևորներ եղել են, թե ոչ: Պարզվել է, որ ավտոմեքենան հաշվառված է Ավան Առինթ 1/14 շենքի բնակիչ Գարեգին Առաքելյանի անվամբ: Արդյոք նա է մեքենան վարել, թե՝ ոչ, դա պետք է պարզվի Ոստիկանության Հրազդանի բաժնի օպերատիվ քննչական խումբը:
Ըստ նախնական տեղեկությունների, ավտոմեքենայում եղել են զինվորականներ, որոնցից երեքը գտնվում են Սևանի բժշկական կենտրոնում: Տեղեկությունը ճշտելու նպատակով Հրազդանի ոստիկանները մեկնել են Սևան քաղաք:
