Մինչ օրս գիտությանը անհայտ է, թե մարդու որ որակներն են որոշվում գենետիկ գործոններով, որոնք՝ ոչ։ Սթենֆորդի համալսարանի գիտնականները հաղորդում են, որ գործունեության հաջողությունը կախված է առաջին հերթին նրանից, թե որքան ջանք ենք մենք ներդնում։
Եթե խրախուսվում է մարդկանց ուսումը և մոտիվացիան, ապա նրանց աշխատանքի արդյունավետությունը խիստ բարձրանում է։ Այն կարծիքը, որ ամեն ինչ դրված է մեր գեներում, դժվարեցնում է ուսումը։
Գիտնականները երկու խմբի տվել են տարբեր հոդվածներ, հաղորդում է Meddaily-ը։ Հոդվածներից մեկում ասվում էր, որ ինտելեկտը փոխանցվում է ժառանգաբար։ Մյուս հոդվածը պատմում էր այն մասին, որ ամեն ինչ իբր կախված է բարդ խնդիրներից, և որ հանճարները միշտ չէ, որ լավ ժառանգականություն են ունեցել ինտելեկտի առումով։
Ինտելեկտի ժառանգական բնույթի մասին կարդացածները մեծ ուշադրություն էին դարձրել իրենց գնահատականներին, ասես մտահոգված էին իրենց ցուցանիշներով։ Կրկնվող թեսթերում նրանց մեջ ուշադրությունը մարում էր։
Իսկ մյուս խմբի անդամների ուղեղի ակտիվությունը նույնիսկ սխալից հետո բարձր էր մնում։ Նրանք շարունակում էին հուսալ, որ, թերևս, հաջողության կհասնեն հաջորդ անգամ։
