Այն ընկերությունների աշխատակիցները, որոնք ստիպված են դառնալ աշխատասեր ոչ բարձր աշխատավարձի, չկանոնակարգված աշխատանքային գրաֆիկի պատճառով ու անգամ հիվանդ ժամանակ են գնում աշխատանքի, պետք է փոխեն գործունեության ոլորտը. հակառակ պարագայում չեն բացառվում նևրոզներն ու խնդիրները ընտանիքում: Իսկ նրանք, ովքեր ուրախությամբ պատրաստ են աշխատել օրական 24 ժամ, դուր են գալիս ղեկավարությանը և ունեն մեծ շանսեր՝ վեր բարձրանալու կարիերայի սանդուղքով: Այս մասին փաստում են RIA Novosti-ի հարցամանը մասնակցած հոգեբանները:
Հասարակական առողջության ռուսական ասոցիացիայի նախագահ, պրոֆեսոր Անդրեյ Դեմինը կարծում է, որ ներկայումս աշխատակիցների մեծ մասը ստիպված է դառնում գործամոլ:
Նա ենթարդրում է, որ եթե առաջ գործամոլ էին անվանում մարդկանց, ում դուր էր գալիս իրենց աշխատանքը, ապա ներկայումս աշխատասիրությունը սերտորեն կապված է ստեղծված իրվիճակի հետ՝ ցածր աշխատավարձ, հիգիենիկ չափանիշներին ու կանոններին չհետևել, ինչի հետևանքով էլ մարդիկ դառնում են գործամոլ։
Նա նկատել է նաև, որ ներկայումս բնակչությունը գրեթե դադարել է գնալ պոլիկլինիկաներ հիվանդության թերթիկների հետևից, ինչը նույնպես գործամոլության դրսևորում է:
«Մենք մեր ուժերը ծախսում ենք գումար աշխատելու վրա, իսկ հետո ամբողջ գումարը ծախսելու ենք բուժման վրա: Հատկապես դա վերաբերում է խոշոր քաղաքներում աշխատողներին»,- ասել է նա:
«Կան նաև այնպիսիք, որոնց կախվածությունը աշխատանքից արդեն հիվանդություն է»,- նկատել է մեկ այլ հոգեբան՝ Վիկտորյա Արշինովան:
Գործամոլությունը հատկապես բնորոշ է չկանոնակարգված գրաֆիկով աշխատող մարդկանց: Այնտեղ, ուր ամեն ինչ կարգավորված է, գործամոլությունը տեղ չունի»,- ասել է նա:
