Dior նորաձևության տունը հրապարակել է Շարլիզ Թերոնի մասնակցությամբ J’adore օծանելիքի գովազդային նոր հոլովակը, գրում է Spletnik.ru-ն:
Պարֆյումի ներկայացուցիչն արդեն ավանդաբար հանդիսատեսին է ներկայանում շքեղ ոսկեգույն զգեստով և ծանր զարդերով: Նա քայլում է հայելապատ սրահով և պատմում հիշողությունների յուրահատուկ ուժի մասին և այն մասին, որ անցյալում ապրելն անհնար է դարձել:
«Անցյալը կարող է գեղեցիկ լինել: Հիշողություններ, երազներ… սակայն դրանցում կյանքի համար տեղ չկա: Միակ ճանապարհը… դեպի վեր է: Սա դրախտ չէ: Սա նոր աշխարհ է»,- ասում է դերասանուհին:
«Ապագան ոսկին է: J’adore Dior»,- ավարտում է Թերոնը:
Հոլովակի հեղինակը ռեժիսոր Ժան-Բատիստ Մոնդինոն է, ով նկարահանել է Մադոննայի, Սթինգի և այլ հայտնի երգիչների տեսահոլովակները:
Ինչպես հայտնի է, դերասանուհին արդեն 10 տարի J’adore Dior-ի դեմքն է հանդիսանում:
Spletnik.ru-ն ներկայացնում է Շարլիզի մասնակցությամբ մնացած տարիներին արված տեսահոլովակների հավաքածուն:
