Հայ-թուրքական հարաբերությունները չեն նորմալանա, մինչև չկարգավորվի Լեռնային Ղարաբաղի հակամարտությունը: Trend-ի հաղորդմամբ՝ այս մասին չորեքշաբթի օրը Բաքվում Ադրբեջանի նախագահ Իլհամ Ալիևի հետ հանդիպման ժամանակ ասել է Թուրքիայի նախագահ Ռեջեփ Թայիփ Էրդողանը:
Պաշտոնական Անկարան բազմիցս հայտարարել է այս մասին, նշել է նա:
Նրա խոսքով՝ ընտրություններից հետո Թուրքիայի ղեկավարների այցերն Ադրբեջան ավանդական են դարձել, և դա վկայությունն է, թե որքան ամուր են երկու երկրների հարաբերությունները:
Էրդողանի խոսքով՝ հանդիպման ընթացքում իրենք դիտարկել են Թուրքիայի և Ադրբեջանի երկկողմ հարաբերությունների զարգացման հարցեր, քննարկել համագործակցության հեռանկարները:
Նրա խոսքով՝ Ադրբեջանի և Թուրքիայի երկկողմ հարաբերություններն այսուհետ պետք է ավելի խորանան:
