ԱՄՆ-ի նախկին նախագահ Բիլ Քլինթոնը հինգշաբթի հայտարարել է, որ նրա կինը՝ պետքարտուղար Հիլարի Քլինթոնը չի առաջադրվելու Նյու Յորքի նահանգապետի պաշտոնում, երբ հաջորդ տարի վայր դնի պետքարտուղարի լիազորությունները:
Վերջերս այդ նահանգի նահանգապետ Մայքլ Բլումբերգը զանգահարել էր Քլինթոնին և փորձել էր համոզել այդ պաշտոնի համար պայքարին մասնակցել 2013 թ. աշնանը, երբ լրանում է իր լիազորությունների ժամկետը: Սակայն Քլինթոնը բարեհամբույր մերժել է:
«Նա հրաժարվել է, և ես ևս մեկ անգամ կարող եմ հաստատել, որ այս մրցավազքին նա չի մասնակցի»,- հայտարարել է լրագրողներին Սպիտակ տան նախկին տերը:
Բիլ Քլինթոնը մեկնաբանությունը հաջորդել է այն սոցհարցմանը, ըստ որի՝ Նյու Յորքի բնակիչների 51%-ը չեն ցանկանում նահանգապետի պաշտոնում տեսնել Հիլարի Քլինթոնին:
70-ամյա միլիարդատեր Բլումբերգը Նյու Յորքում իշխանության գլուխ է 2002 թվից: Նրա երրորդ պաշտոնավարումը լրանում է 2013 թ. վերջին: