ԱՄՆ վարչակազմը հավելյալ պատժամիջոցներ է սահմանել մի շարք իրանական ընկերությունների և ֆիզիկական անձանց դեմ, ովքեր ներքաշված են միջուկային զենքի չտարածման ռեժիմի խախտման մեջ: Այս մասին հայտնում է ITAR-TASS-ը՝ հղում անելով ԱՄՆ ֆինանսների նախարարությանը:
Պատժամիջոցները տարածվում են 7 ընկերությունների և 5 մասնավոր անձանց վրա: ԱՄՆ ֆինանսների նախարարությունում նշում են, որ նրանք իրանական կառավարությանն են ներկայացրել տեխնոլոգիաներ, որոնք կմեծացնեն ծանր ջրով հետազոտական ռեակտորի ստեղծման և ուրանի հարստացման Թեհրանի հնարավորությունները:
ԱՄՆ-ի կառավարության կողմից ընդունված միջացառումներն արգելում են այդ մարդկանց և ընկերություների հետ ԱՄՆ քաղաքացիների ցանկացած գործարար կապ:
«Իրանը շարունակում է զարգացել իր միջուկային ծրագիրը, չնայած ՄԱԿ ԱԽ բազմաթիվ բանաձևերին»,- հայտարարել է ԱՄՆ ֆինանսների փոխնախարար Դեվիդ Քոենը: Նա ընդգծել է, որ Վաշինգտոնը նախկին պես կհամագործակցի իր արտասահմանյան գործընկերների հետ՝ Թեհրանի վրա ճնշումն ուժեղացնելու նպատակով:
