Իրանի ՄԻԱՎ վարակակիրների 46%-ը (24 735 հոգի) 25-36 տարեկան երիտասարդներ են։ Տեղեկացրել է Իրանի առողջապահության նախարարության ՁԻԱՀ-ի դեմ պայքարի բաժնի պետ Աբբաս Սադաքեթը։ Հաղորդում է ISNA-ն։
Ըստ Սադաքեթի՝ չախտահանված ներարկիչներով թմրանյութ ներարկելուց վարակի փոխանցման դեպքերը քչացել են, սակայն ավելացել են սեռական ճանապարհով փոխանցվող դեպքերը։
Եթե 1986-ից 2011-ը սեռական ճանապարհով ՄԻԱՎ-ով վարակել են 10%-ը, ապա 2011-2012 թթ. այն կազմել է 21%։
Իրանի ՁԻԱՀ-ի դեմ պայքարի կոմիտեն ազգաբնակչությանը զգուշացրել է վարակի աճի մասին։ Ըստ կոմիտեի՝ երկրում 93 000 մարդ ՄԻԱՎ վարակակիր է, սակայն միայն 25 000-ն է գտնվում հաշվառման տակ։
Իրանում կրոնական և սովորութային նկատառումներով հիվանդությունը շատ դեպքերում գաղտնի է պահվում։ Բացի դրանից, ըստ մասնագետների, հիվանդների թվի աճը պայմանավորված է վարակի տարածման ուղիների մասին ազգաբնակչության տեղեկացված չլինելուց։