Մեքսիկական «Մահացածների օրը» (Day of the Dead) մուլտֆիլմը, որի պրոդյուսերը Գիլերմո դել Տորոն է, վերանվանել են «Կյանքի գիրք» (Book of Life): Այս մասին հաղորդում է The Hollywood Reporter-ը:
Անվան փոփոխությունը կապված է այն բանի հետ, որ Մահվան օրվա (տոն Լատինական Ամերիկայում) մասին սեփական ֆիլմի վրա աշխատում է նաև Pixar-ը։ Նաև հայտնի է դարձել, որ դել Տորոյի աշխատանքի աջակցությամբ կզբաղվի Fox Animation գործակալությունը: Բացի այդ, հայտարարվել էր, որ «Կյանքի գիրքը» վարձույթի դուրս կգա 2014 թ. հոկտեմբերի 10-ին:
Դել Տորոյի մուլտֆիլմը ներկայացվել է 2012 թ. փետրվարին: Մուլտֆիլմի բեմադրմամբ զբաղվելու է անիմատոր Խորխե Ռ. Գուտերեսը, որը նախկինում աշխատել է Nickelodeon հեռուստաալիքի «Էլ Տիգրե. Մեննի Ռիվերի արկածները» սերիալի նկարահանման վրա:
Ինքը՝ Գիլերմո դել Տորոն, ներկայում ավարտում է «Խաղաղօվկիանոսյան մրցապայքար» ֆիլմի նկարահանումները, որտեղ պատմում են ծովային հրեշների դեմ մարդկանց պայքարի մասին: Ֆիլմը, որում զբաղված են Չարլի Հանեմը, Ռոն Փերլմանը, Իդրիս Էլբան, Չարլի Դեյ Բերնը և Ռիկո Կիկուչին, մեծ էկրաններ կբարձրանա 2013 թ. հուլիսին:
