Սաուդյան Արաբիայի թագավոր Աբդալլահ Ազիզ Էլ Սաուդը հայտարարել է, որ ծայրահեղականները շուտով կարող են հարձակվել Եվրոպայի վրա և հասնել ԱՄՆ-ին, եթե համաշխարհային հանրությունը վճռական քայլեր չձեռնարկի ահաբեկչության դեմ: Այս մասին հաղորդում է RIA Novosti-ն:
«Եթե դա անուշադրության մատնվի, ես վստահ եմ, որ մեկ ամիս անց նրանք կհասնեն Եվրոպային, ևս մեկ ամիս անց` Ամերիկային: Այդ ահաբեկիչները չգիտեն` ինչ բան է մարդասիրությունը: Դուք վկաներն եք դարձել այն բանի, թե ինչպես են նրանք գլուխներ կտրում փողոցներում և տալիս երեխաներին»,- ասել է Աբդալլահը` Էր-Ռիադում օտարերկրյա դեսպանների հետ հանդիպման ժամանակ:
Թագավորը, սակայն, չի հստակեցրել, թե ծայրահեղականների կոնկրետ որ խմբի կողմից է սպառնալիք սպասվում: Սակայն հայտնի է, որ դրանցից ամենաակտիվն «Իսլամական պետությունն» է:
