Աշխարհի երկակի չեմպիոն Ֆերնանդո Ալոնսոն հույս է հայտնել, որ 2013 թվականին «Ֆերարի»-ն փորձելու է պայքարել միայն հաղթանակների համար:
«Կասկածից վեր է, որ նոր մրցաշրջանում ֆավորիտը լինելու է «Ռեդ Բուլ»-ը: Վերջին մրցաշրջանը նրանք ավարտեցին ակնհայտ առավելությամբ, իսկ ձմեռվա ընթացքում տեխնիկական կանոնակարգը այդքան էլ չի փոփոխվել: «Ռեդ Բուլ»-ը արագության մեջ մոտ 7-8 տասնորդական վայրկյան առավելություն ունի, այնպես որ «Ֆերարի»-ին հարկավոր է այդ բացը երկու ամսում լրացնել, ինչը հեշտ չէ:
Հույս ունեմ, որ մեր թիմը կպայքարի միայն հաղթանակների համար: Դա «Ֆորմուլա 1»-ի ցանկացած թիմի նպատակն է՝ լինել առաջինը շաբաթ և կիրակի օրերին: Կան մի քանի թիմեր, որ վերջին շրջանում կարողացել են հասնել այդ նպատակին: Վերջին տարիներին դրան ստաբիլ կերպով հասնում են «Ռեդ Բուլ»-ում, ժամանակ առ ժամանակ էլ՝ «Մաքլարեն»-ում: Նույնիսկ «Լոթուս»-ի մոտ է պատահել, որ երկու արշավորդներն էլ լինեն պոդիումում:
«Ֆերարի»-ին ունակ չէր դա անել, քանի որ արագության խնդիր կար: Հույս ունեմ՝ մյուս տարի կհաջողվի լուծել այդ խնդիրը: Բայց հենց նույն նպատակը մեր առաջ դրված էր նախորդ տարի, ու եթե կարողանայինք այն իրագործել, գալիք մրցաշրջանի համար այլ նպատակ կունենայինք», — Ալոնսոյի խոսքերն է մեջբերում Autosport-ը:
