Չարլի Չապլինի որդին մասնակցել է Վենետիկյան կինոփառատոնին՝ հինգշաբթի այցելելով «Փառքի արժեքը» ֆիլմի պրեմիերային, որը հիմնված է իրական պատմության վրա, երբ երկու ներգաղթյալներ գնել էին համր կինոյի լեգենդի դագաղը:
Ֆրանսիացի ռեժիսոր Քսավի Բովուան պատմել է երկու աղքատ ընկերների՝ Բելգիայի և Ալժիրի բնակիչների մասին, ովքեր ներգաղթել էին Շվեյցարիա: Նրանք որոշել են նման գողություն իրականացնել և՛ ժլատությունից, և՛ առողջապահության ապահովագրության ծախսերը հոգալու համար՝ հաղորդում է The Local-ը:
Չապլինի որդի Յուջինը, որը փոքրիկ դեր է կատարում ֆիլմում, Վենետիկում լրագրողներին հայտնել է, որ ֆիլմում շատ լավ է նկարահանված այն պահը, երբ տեղի է ունեցել առևանգումը:
«Մենք երկար ժամանակ չէինք կարողանում հասկանալ, թե ով է կանգնած դագաղի առևանգման հետևում: Սպառնալիքներ կային, իմ կրտսեր եղբորը սպառնում էին»,- ասել է նա:
«Երբ մենք գտանք հորս դագաղը անտառի ծայրին, ջրամբարի մոտ, դա ուղղակի անհասկանալի էր»,- նշել է նա:
Հիշեցնենք, որ Չարլի Չապլինի դագաղը գողացվել էր Շվեյցարիայի Վեվ քաղաքից 1978թ. մարտի 2-ին: Երեկոյան անհայտ անձը զանգարահել էր Չապլինի այրուն և նշել, որ դերասանի դագաղը ապահով վայրում է գտնվում:
Մոտ մեկ ամիս բանակցություններ են ընթացել, քանի որ գողերը 400 հզ. ֆունտ ստերլինգի չափով փրկագին էին պահանջում: Այրին հրաժարվել է վճարել, քանի որ իր ամուսինը դա ծիծաղելի կհամարեր: 27-րդ հեռախոսազանգի ժամանակ ոստիկանությունը կարողացել էր գրանցել հանցագործների գտնվելու վայրը, և նրանց ձերբակալել էին:
