Թուրքիայի նախագահ Ռեջեփ Թայիփ Էրդողանը հաստատել է երկրի վարչապետ Ահմեթ Դավութօղլուի ներկայացրած 62-րդ կառավարության կազմը: Այս մասին հաղորդում է Reuters-ը:
Այսպիսով, դրանով Դավութօղլուն հաստատվում է երկրի վարչապետի պաշտոնում: Փոխվարչապետեր են դարձել Բյուլենթ Արընջը, Յալչըն Աքդողանը, Նուման Քուրթուլմուշը և Ալի Բաբաջանը: Արտգործնախարար է նշանակվել Մևլեթ Չավուշօղլուն: Վերջինս նախկինում եղել է ԵԽԽՎ նախագահ, և այդ պաշտոնում աչքի է ընկել հօգուտ Ադրբեջանի հակահայկական նախաձեռնություններով:
Հաղորդվում է, որ կառավարությունը միանգամից չի կարող սկսել աշխատանքները: Ըստ սահմանադրության՝ վարչապետը 5 աշխատանքային օրվա ընթացքում պետք է խորհրդարան ներկայացնի կառավարության ծրագիրը, իսկ սեպտեմբերի 6-ին մեջլիսը վստահության քվե կհայատնի կառավարությանը:
