Facebook-ում ամերիկյան Isis ռոք խմբին շփոթել են նույնանուն «Իսլամական պետության» զինյալների հետ՝ գրում է The Independent-ը:
Երաժիշտները ստիպված են եղել իրենց Facebook-յան էջը վերանվանել Isis the band այն բանից հետո, երբ նրանց հասցեին սկսեցին վիրավորանքներ ու զայրացած հաղորդագրություններ ուղարկել մարդիկ, որոնք հանդես են գալիս Մերձավոր Արևելքում արմատական իսլամիստների դեմ:
Մի քանի տարի առաջ փլուզված խմբի թմբկահար Աարոն Հարիսը ABC News-ի հետ զրույցում պատմել է, որ իրենց բազմաթիվ երկրպագուներ հիմա վախենում են կրել Isis գրությամբ շապիկներ:
Լատինական Isis բառը թարգմանվում է որպես «Իսիդա»՝ կանացիության ու մայրության աստվածուհի:
«Իրաքի և Լևանտի իսլամական պետություն» խմբավորման դեպքում, որը հետագայում վերանվանվեց «Իսլամական պետություն», ISIS բառը հապավում է:
