«Առաջին լրատվական»-ը ԱԺ նախագահ Գալուստ Սահակյանից հետաքրքրվեց՝ ի՞նչ ձեռքբերումներ ունենք Անկախության հռչակագրից 24 տարի անց, ի՞նչ կարող էր արվել, որ չի արվել, կամ՝ հասարակությունը անկախությունը լիարժե՞ք է համարում: «Անկախությունը տարիներով չեն չափում, դա վերարժեքային համակարգ է, իսկ հոգսերը ժամանակի խնդիր է, պիտի տարբերակենք՝ անկախությունը դա հավերժի ճանապարհն է, իսկ խնդիրներ… շատ խնդիրներ կան, հենց այդ պատճառով էլ փորձում ենք սահմանադրական շտկումներ մտցնել՝ թե՛ խոսքի ազատության, թե՛ մարդու իրավունքների, թե՛ դատական համակարգի, թե՛ տնտեսության մասով»,- պատասխանեց նա:
Ի պատասխան մեր հաջորդ հարցի՝ ինչո՞ւ է հասարակության լայն զանգվածը կարծում, որ սահմանային միջադեպերի ժամանակ քաղաքական գործիչների հետաքրքրությունը, սահման գնալը փիառ է, և՝ ի՞նչ պիտի արվի, որ բանակի նկատմամբ հատկապես քաղաքական գործիչների հետաքրքրությունը շարունակական լինի, Գալուստ Սահակյանն ասաց. «Շատ վատ եմ գնահատում ցանկացած փիառ, որովհետև նման իրավիճակներում ոչ թե անհրաժեշտ է զինվորի կեցվածք ընդունել, այլ յուրաքանչյուր անձ պիտի իր գործը լավ կատարի, որովհետև զինվորը առանց թիկունքի ամրացման, բնականաբար, մեծ հաղթանակներ չի կարող ձևավորել, իրական կյանքում էլ ես դեմ եմ էտ ամբողջ փիառ մոտեցումներին»:
Առավել մանրամասն՝ տեսանյութում:
