«Ժողովուրդ» թերթը գրում է. «Արդեն տևական ժամանակ է, ինչ քննարկվում է ՀՀ ԱՆ քրեակատարողական հիմնարկի ղեկավարի նշանակման հարցը, որի համար լուրջ մրցակցության մեջ են «մտել» երեք թեկնածուներ։
«Ժողովուրդ»-ն արդեն տեղեկացրել էր, որ այդ պաշտոնի համար պայքարում են ՀՀ փոխոստիկանապետ Արթուր Օսիկյանը, Երևանի նախկին ոստիկանապետ, գործազուրկ Ներսես Նազարյանն ու ոստիկանության քննչական գլխավոր վարչության պետ Գագիկ Համբարձումյանը։ Մեր տեղեկությունների համաձայն՝ առայժմ Արթուր Օսիկյանի համար է ամենաբարձր մակարդակով լոբբինգ արվում Սերժ Սարգսյանի մոտ։
Բայց Ն. Նազարյանն ու Գ. Համբարձումյանը ևս հետ չեն մնում։ Երեկ փորձեցինք ՀՀ փոխոստիկանապետ Արթուր Օսիկյանից պարզել՝ արդյոք ինքը այդքան հոգնել է ՀՀ ոստիկանությունից, որ ձգտում է գնալ ՔԿՀ։ Նա շատ հակիրճ ասաց, որ ոչ մի առաջարկ չի ստացել։ Հավելենք, որ դեռևս պաշտոնապես չի հաստատվել ՔԿՀ պետ Հայկ Հարությունյանի պաշտոնանկության լուրը»։
Մանրամասները՝ թերթի այսօրվա համարում
