«Եվրատեսիլ-2014»-ի մորուքավոր հաղթող Կոնչիտա Վուրսթը դարձել է Կառլ Լագերֆիլդի նորաձև ֆոտոշարքի հերոսուհին:
Լագերֆիլդը Կոնչիտային նկարահանել է իր վերջին հավաքածուի հագուստներով՝ հատուկ Կարին Ռոյթֆելդի CR Fashion Book պարբերականի համար, որը նվիրված է նորաձևության նորագույն հոսանքներին և ապագայի ոճի տիպարներին:
CR Fashion Book նոր թողարկման և Կառլ Լագերֆիլդի ֆոտոշարքի անվանումն է The New Normal (Նորը «նորմալ է»):
Լագերֆիլդի կարծիքով՝ մորուքավոր Կոնչիտայի պատմությունը, ով հետապնդված դեռահասից հասել է մինչև պահանջարկ վայելող աստղի կարգավիճակի, շատերին է ոգևորել, այդ պատճառով էլ նա համարձակորեն կարող է հավակնել ապագայի ոճի տիպարի տիտղոսին:
Էքստրավագանտ Կոնչիտայի հետ միասին ֆոտոշարքին մասնակցել է նաև Լարգերֆիլդի մուսան՝ թոփ մոդել Էշլի Գուդը, ով ներկա պահին ինը ամսական հղի է: Մոդելների այս ընտրանին Լագերֆիլդը բացատրել է նրանց ոչ ստանդարտ լինելով և բնականաբար նորաձևության և գեղեցկության պատկերացումները փոփոխելու նրանց հնարավորությամբ:
Հղի Էշլին Փարիզի նորաձևության շաբաթին Chanel-ի ցուցադրությանը ներկայացել է հարսանեկան զգեստով, որն իսկական սենսացիա է առաջացրել նորաձևության ոլորտում:
Իսկ ահա Կոնչիտան Փարիզի նորաձևության շաբաթին Ժան-Փոլ Գոտյեյի ցուցադրության ժամանակ պոդիում է բարձրացել սև հարսանեկան զգեստով:
