ԵՄ 27 երկրների արտաքին գործերի նախարարներն այսօր կայացած ԵՄ խորհրդի նիստի ժամանակ սիրիական հակամարտությունից տուժածներին 30 մլն եվրո տրամադրելու որոշում են կայացրել:
Այդ միջոցները կտրամադրվեն փախստականներին՝ իրենց հիմնական կարիքները հոգալու՝ ջուր, սնունդ, դեղորայք և վրաններ ձեռք բերելու համար: Բոլոր այս օգնությունները տրամադրվելու են բացառապես ոչ կառավարական մարդասիրական կազմակերպությունների միջոցով:
Եվրահանձնաժողովի տվյալների համաձայն՝ Սիրիայի տարածքում փախստականների թիվը հասնում է 2 միլիոնի: Մոտ կես միլիոն մարդ ապաստան է գտել Թուրքիայում, Հորդանանում և Լիբանանում: Սիրիայում ռազմական գործողությունների սկզբից մինչ հիմա ԵՄ 27 երկրների կողմից փախստականներին տրամադրվել է ընդհանուր առմամբ 310 մլն եվրո:
