«Դուք բոլորդ պիտի ընդունեք, որ դրա համար ժամանակ է պետք: Դուք մտածում եք, որ ասել եմ ստվերի դեմ պայքարելու ենք, կախարդական փայտիկը խփելու եմ, բոլորը գալու են ստվերի դա՞շտ»,-Aravot.am-ի փոխանցմամբ՝ «Բազե-2014»-ի ընթացքում բազեականների հետ հանդիպմանը լրագրողների ջոկատից հարց է հնչել, թե արդյոք ՀՀ-ն նաև արդարության բացակայության պատճառով չե՞ն լքում, այսպես է պատասխանել ՀՀ վարչապետ Հովիկ Աբրահամյանը ու հիշել իր «մոտիկներին». «Եթե տեսնեն, որ մեր մոտիկները չեն գնում այդ քայլերին, գնում ստվերում են աշխատում, կասեն, թե այս կառավարության ղեկավարը ուղղակի դատարկ խոսում է: Մեր յուրաքանչյուր մոտիկ այդ բանը պիտի հասկանա, որ իրենց նման աշխատաոճով վտանգում են մեր արժանապատվությունն ու մեր խոսքի արժեքը»:
Այնուհետև Հովիկ Աբրահամյանը առաջարկել է իրականությունից խոսել ու նշել է, թե շատ լրագրողներ փորձում են չեղած բանը մարդկանց վրա գրել, մարդկանց վարկաբեկել, այն դեպքում, երբ իրենք վարկաբեկված են: Ջավախքի մասնակիցներից մեկը մտահոգություն հայտնեց, թե ջավախահայերը ստիպված են գումար վճարել հայրենիք մուտք գործելու համար: Հովիկ Աբրահամյանը նշեց, թե այդ հարցը կքննարկի, հետո կպատասխանի ու շեշտեց. «Ես իմ խոսքի համար դողում եմ, եթե մի բան խոստացա, արյան գնով էլ լինի պիտի անեմ»:
Մանրամասները՝ Aravot.am-ում
