Վրաստանի փոխվարչապետ, էներգետիկայի նախարար Կախա Կալաձեն և Աջարիայի կառավարության նախագահ Արչիլ Խաբաձեն երկուշաբթի ծանոթացել են Շուախևի ՀԷԿ-ի շինարարության աշխատանքներին, գրում է Trend-ը։
Նրանց գնահատականներով՝ աշխատանքները նորմալ են ընթանում։
ՀԷԿ-ի հիմքը դրվել է 2013-ի սեպտեմբերի 16-ին, ինչը խոշորագույն ներդրման սկիզբ դրեց Վրաստանում։
185 մեգավատ հզորությամբ ՀԷԿ-ը կառուցում է «Աչարասցկալի Ջորջիա» ընկերությունը։ Նախագծով նախատեսվում է երեք հիմնական թունելների՝ Չրուխիսցկալի-Սխալթա, Սխալթա-Դիդաչարա և Դիդաչարա-Շուախևի շինարարությունը։ Նախատեսվում է նաև Սխալթի և Դիդաչարայի ամբարտակների և փոքր պատնեշի կառուցում Չիրուխիսցկալի գետի վրա։