Օրերս ԱԺ պատգամավորները վարչապետի և ՊՆ նախարարի հետ այս լարված իրավիճակում մեկնեցին Արցախ, այցելեցին մարտական դիրքեր: Պատգամավոր, նախկին վարչապետ Հրանտ Բագրատյանը գիշերել էր դիրքերում՝ շփման գծում:
Aravot.am-ը պարոն Բագրատյանից հետաքրքրվել է՝ ի՞նչ տպավորություն ունեք, ինչքանո՞վ է անհանգիստ դրությունը: «Վիճակը բարդ է։ Նախապատերազմական տագնապ կա։ Ուզում եմ հուսալ, որ այն էլ ավելի չի բարդանա»,- պատասխանել է պարոն Բագրատյանը:
Ադրբեջանի նախագահ Իլհամ Ալիևը սոցցանցերում՝ Twitter-ում Երևանը ջնջելու սպառնալիքներ է տեղում, Ադրբեջանի պաշտպանության նախարարությունն իր հերթին է սպառնում, որ ջնջելու է Հայաստանը, Սերժ Սարգսյանն իր հերթին է հայտարարում, որ ունենք բալիստիկ հրթիռներ, որոնք կարճ ժամանակում Ադրբեջանի ցանկացած ծաղկուն բնակավայր ավերակների կվերածեն: Մեր հարցին՝ այս սպառնալիքներն ո՞ւր են տանում, այս լարված իրավիճակում դա ավելի չի՞ թեժացնում իրավիճակը՝ պարոն Բագրատյանը պատասխանել է. «Այս սպառնալիքները լավ բան չեն։ Այդուհանդերձ դրանք հուշում են մի բան. ԼՂՀ պաշտպանական բանակը գոնե մեկ անգամ կարող է ոչնչացնել Ադրբեջանը»։
Մանրամասները՝ aravot.am-ում
