Mars Chocolate Drinks & Treats-ը` ըմպելիքներ արտադրող Mars ընկերության ստորաբաժանումը, մի շարք մթերքներ է հետ կանչում Ֆրանսիայից, Գերմանիայից և Նիդերլանդներից՝ ցուպիկանման բակտերիաների (բացիլների) հնարավոր առկայության պատճառով: Այս մասին գրում է RIA Novosti-ն:
Հաղորդագրությունում նշվում է, որ հետ են կանչվում կաթնային ըմպելիքները, որոնք վաճառվում են 750, 350 և 376 ծավալով պլաստիկե շշերում: Դրանք են` Mars Milk-ը, Starburst Strawberry Drink-ը, Bounty Drink-ը, Snickers Shake-ը, Skittles Wildberry Drink-ը, Galaxy Smooth Milk-ը, Milky Way Milk-ը, Mars Caramel Milk-ը և Skittles Fruits Drink-ը:
