Ֆլորիդայում 18-ամյա դեռահասը տեսագրվել է այն ժամանակ, երբ ծեծի էր ենթարկում աուտիստին՝ գրում է WPBF 25 News-ը։
Դաժան ծեծը պատկերող տեսանյութը գրավել է երկրի հազարավոր մարդկանց ուշադրությունը։
18-ամա Էնդրյու Ուիլերը ձերբակալվել է Օկիչոբիի ոստիկանության կողմից և մեղադրվում է երեխաների հետ դաժան վերաբերմունքի համար։
Ինչպես գրում է պարբերականը՝ 16-ամյա աուտիստ պատանին եղել է երեկույթի։ Սակայն նա փոքր-ինչ խմել է ու անջատվել։ Ավելի ուշ նրան արթնացրել են և պահանջել փողոց դուրս գալ ու կռվել որևէ մեկի հետ։ Մերժումից հետո երեկոյի հյուրերը Էնդրյու Ուիլերին խնդրել են վռնդել նրան։ Նա մոտեցել է պատանուն ու անմիջապես սկսել է ծեծել նրան։
Ոստիկանությանը ներկայացրած դիմումի մեջ տուժողը գրել է, որ Ուիլերը խեղդում էր իրեն, մինչև որ ինքը կորցրել է գիտակցությունը։ Իսկ երբ ուշքի է եկել, տեսել է, որ երեկոյի մյուս հյուրերը շրջապատել են իրենց ու ծիծաղում են։ Նա նաև գրել է, որ Ուիլերը դանակ է պահել իր գլխին և հրամայել լքել տունը։
Ոստիկանությունը տղային գտել է հարևան փողոցներից մեկում ընկած։ Ոստիկանության տեղեկացմամբ՝ նա ունի բազմաթիվ վնասվածքներ, ուղեղի ցնցում։
Այժմ Twitter-ում ստեղծվել է #JusticeForAaron («Արդարադատություն Արոնի համար»։ Արոնը ծեծի ենթարկված անչափահասի անունն է.- խմբ.) հեշթեգը։
