Այսօր ֆրանսիացի աշխարհահռչակ դերասան Պիեռ Ռիշարը դառնում է 80 տարեկան: Սիրված դերասանը ծնվել է 1934թ. օգոստոսի 16-ին Վալանսիեն քաղաքում:
Իր ավելի քան կեսդարյա կարիերայի ընթացքում Պիեռ Ռիշարը նկարահանվել է տասնյակ ֆիլմերում՝ գերազանցապես կատակերգական ժանրում:
Դերասանն իր հոբելյանը տոնելու է ընտանեկան շրջանակում սեփական գինեգործական տնտեսությունում՝ հայտնում է ITAR-TASS-ը:
«Մեծ հանդիսություններ չեմ պլանավորում: Լինելու են միայն ընտանիքի անդամներն ու ամենամտերիմ ընկերները՝ մոտ 20 մարդ»,- ասել է նա:
