Ռուսաստանի նախագահ Վլադիմիր Պուտինը Ղրիմում Պետդումայի խորհրդարանականների առջև ելույթի ժամանակ զգալիորեն մեղմացրել է իր հռետորաբանությունը՝ գրում է The Wall Street Journal-ը:
Ինչպես նշում է պարբերականը, Ռուսաստանի նախագահը հայտարարել է, որ կանի ամեն ինչ՝ Արևելյան Ուկրաինայում հակամարտությունը դադարեցնելու համար:
«Վերլուծաբանները Պուտինի արտահայտությունները և Ուկրաինայում մարդասիրական օգնության առաքելությունները համարում են փորձ՝ ցուցադրելու ավելի խաղաղասեր դիրքորոշում այն բանից հետո, երբ Ռուսաստանը հարված հասցրեց ի պատասխան արևմտյան պատժամիջոցների՝ սահմանափակելով սննդամթերքի ներմուծումը»,- գրում է պարբերականը:
