Կանադացի երգչուհի Սելին Դիոնը չեղյալ է հայտարարել մի շարք ելույթներ` առողջական խնդիրների պատճառով: Այս մասին գրում է ITAR-TASS-ը` վկայակոչելով նրա ներկայացուցչի հայտարարությունը:
Դրանում ասվում է, որ հիվանդության պատճառով երգչուհին կոկորդի մկանների հետ կապված խնդիրներ ունի: Դրա հետ կապված չեղյալ են հայտարարվում նրա Լաս Վեգասում, ինչպես նաև Ասիայում կայանալիք համերգային շրջագայությունները:
Դիոնը նշել է, որ մտադիր է կենտրոնանալ ամուսնու մասին, որը չարորակ ուռուցքի հեռացման վիրահատություն է տարել, հոգ տանելու վրա:
«Ցանկանում եմ ողջ ուժերս և էներգիաս օգտագործել ամուսնուս բուժման համար: Դրա համար կարևոր է ազատ ժամանակը նվիրել նրան և մեր երեխաներին»,- հայտարարել է նա:
«Նաև ցանկանում եմ ներողություն խնդրել իմ երկրպագուներից պատճառած անհարմարությունների համար: Շնորհակալություն եմ հայտնում նրանց սիրո և աջակցության համար»,- ընդգծել է երգչուհին:
