Լիբիայում 124 պատգամավորներից 111-ը քվեարկել են երկիր միջազգային ռազմական զորամիավորում մտցնելու օգտին` խաղաղություն հաստատելու համար: Խորհրդարանի նիստը տեղի է ունեցել Տոբրուկում, քանի որ երկրի խոշոր քաղաքներում` Տրիպոլիում և Բենղազիում շարունակվում են փողոցային անկարգությունները, գրում է BBC-ն:
«Միջազգային հանրությունը պետք է անհապաղ միջամտի, որպեսզի պաշտպանի խաղաղ քաղաքացիներին»,- քվեարկությունից հետո հայտարարել է պատգամավոր Աբու Բաքր Բիջրան:
Ոչ ՄԱԿ-ը, ոչ էլ մեկ այլ գերտերություն ներկա պահին մտադիր չէ այնտեղ մտցնել իր զորքերը:
