Ադրբեջանական Turan լրատվական գործակալության փոխանցմամբ`ԵԱՀԿ գործող նախագահ, Իռլանդիայի արտգործնախարար էյմոն Գիլմորը երեկ Դուբլինում ԵԱՀԿ արտգործնախարարների խորհրդի 19-րդ նստաշրջանի ավարտից հետո լրագրողների հետ զրույցում անդրադարձել է Ղարաբաղյան հակամարտության կարգավորմանը.
«Ղարաբաղյան հակամարտության կարգավորման որոշումը պետք է ընդունվի կոնսենսուսի հիման վրա: Այդ հարցում ԵԱՀԿ-ի դիրքորոշումը կայանում է նրանում, որ չափազանց երկար ժամանակ ձգձգված հակամարտությունը պետք է կարգավորվի հակամարտող կողմերի մասնակցությամբ բանակցությունների հիման վրա:
Խոսքը ձևավորված գործընթացի`ԵԱՀԿ Մինսկի խմբի գործունեության մասին է: Մենք աջակցում ենք նրան և կողմերին օգնում ենք այդ բանակցություններում: ԵԱՀԿ-ում Իռլանդիայի նախագահության շրջանում Դուբլինում անցկացվել են մի շարք միջոցառումներ, ուր Իռլանդիան կիսվել է Հյուսիսային Իռլանդիայի վերաբերյալ խաղաղ գործընթացի իր փորձով»: