Չինաստանի կենդանաբանական այգում Juxiao անունով պանդան հուլիսի 29-ի գիշերը եռյակ է ունեցել: Բոլոր ձագուկները մինչև հիմա ողջ են, և մասնագետները դա գնահատում են որպես «աշխարհի նոր հրաշք»: Այս մասին հայտնում է Mirror-ը:
Վայրի բնության մեջ ապրում է ընդամենը մոտ 1600 պանդա, այս տեսակը չափազանց դանդաղ է բազմանում, իսկ նորածինների շրջանում մահացությունը շատ բարձր է:
Ծնվելուց հետո սկզբնական շրջանում Juxiao-ն չափազանց թույլ է եղել եռյակի մասին հոգ տանելու համար, և նրանց դրել են ինկուբատորի մեջ, մինչև նա ոտքի է կանգնել: Ձագուկների սեռն առայժմ չի հաղորդվում, նրանք դեռ անուններ էլ չունեն:
«Սա պանդաների ողջ մնացած միակ եռյակն է աշխարհում»,- ասվում է Chimelong Safari Park-ի հայտարարության մեջ, որտեղ ծնվել են փոքրիկները:
Պանդաների փորձագետը՝ Wolong National Natural Reserve-ից նշել է, որ ձագուկները դեռ չափազանց փոքր են, որպեսզի պաշտոնապես «փրկված» համարվեն: «Միայն այն ժամանակ է կարելի ասել, որ նրանք ողջ են մնացել, երբ դառնան 6 ամսական»,- ասել է մասնագետը:
