Երիտասարդ տղայի բազմաթիվ «սելֆիներից» կազմված տեսանյութը, որը ցույց է տալիս, թե ինչպես է նրա դեմքը փոխվել մի քանի տարվա ընթացքում, հայտնվել է YouTube-ի պորտալում։
Ինչպես տեղեկացնում է The Telegraph-ը, այդ արտասովոր կլիպը պատրաստել է Հյուգո Կորնելիերը, որը յոթ տարվա ընթացքում ամեն օր «սելֆի» է արել նույն ռակուրսից, բայց տարբեր իրավիճակներում։
Առաջին լուսանկարն արվել է, երբ Հյուգոն ընդամենը 12 տարեկան էր։ Տեսագրությունը ցույց է տալիս երիտասարդի դեմքի փոփոխությունները, որոնք աննկատ են մնացել առօրյա կյանքում։ Մեկուկես րոպեում հանդիսատեսը հասցնում է տեսնել, թե ինչպես 12-ամյա տղան վերածվում է տղամարդու։
