Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը մեկնաբանել է Դուբլինում ԵԱՀԿ անդամ երկրների արտգործնախարարների խորհրդի 19-րդ նստաշրջանի արդյունքները: Մամեդյարովը մեղադրել է Հայաստանին՝ կապված ԵԱՀԿ Մինսկի խմբի համանախագահների ու Հայաստանի ու Ադրբեջանի արտգործնախարարների համատեղ հայտարարության բացակայության հետ.
«Հայաստանը վերստին իր ամպլուայում է: Դժբախտաբար, պաշտոնական Երևանի ապակառուցողական դիրքորոշման պատճառով մեզ չհաջողվեց համաձայնեցնել համանախագահների ու արտգործնախարարների համատեղ հայտարարության տեքստը: Մեծ ցավով պետք է նշել, որ ԵԱՀԿ Մինսկի խմբում համանախագահող երկրները բավական հետևողականություն չցուցաբերեցին այդ հարցում: Ղարաբաղյան հակամարտության կարգավորմանը մեծապես խոչընդոտում է Ադրբեջանի տարածքում Հայաստանի զինված ուժերի ներկայությունը»: