«Հետք»-ի փոխանցմամբ՝ յոթ տարեկան (դպրոցական) և ութ ամսական երեխաներ ունեցող հայ մի ընտանիք երեկ (վտարումը տեղի է ունեցել օգոստոսի 7-ին- խմբ.) վտարվել է Հայաստան՝ անօրինական և բռնի ձերբակալության արդյունքում, ինչպես երևում է մի ականատեսի նկարահանած տեսանյութում:
Ըստ մեզ փոխանցված վկայությունների՝ 2014 թ-ի օգոստոսի 5-ին, առավոտյան ժամը վեցին, սահմանային ոստիկանությունը և անձամբ Մյուրթ-է-Մոզելի պրեֆեկտուրայի գլխավոր քարտուղարն արթնացրել են ապաստան խնդրողների ընդունման կենտրոնում (CADA) ապաստանած ընտանիքին: Սկզբում հայրը հրաժարվել է բացել դուռը, հետո համաձայնել է, քանի որ պրեֆեկտուրայի ներկայացուցիչը խոստացել է, որ ընտանիքին հանգիստ կթողնեն, եթե հայրն իրենց ուղեկցի: Նա տեղափոխվել է ոստիկանություն:
Մեկ ժամ անց ոստիկանությունը նորից ներկայացել է նրանց կացարանը՝ անօրինական ձևով բացելով դուռը, մասամբ այն կոտրելով: Այնուհետև բռնել են մորը և պրեֆեկտուրայի գլխավոր քարտուղարի աչքերի առջև երեք հարկ աստիճաներով քարշ տվել ներքև: Ոստիկանությունը ուժով տարել է նաև երկու երեխաներին:
Տեսարանին ականատես են եղել շատերը և նկարահանել այն:
Հոգեպես ծանր վիճակում՝ մայրն ու երկու աղջիկները նույնպես տեխափոխվել են ոստիկանություն, այնուհետև Մեծ քաղաքի վարչական կալանքի կենտրոն, որտեղ նախապես տեղափոխվել էր ընտաիքի հայրը: Այդ կենտրոնում ընտանիքը կարողացել է հանդիպել ներկա հասարակական կազմակերպությանը:
