ԱՄՆ-ի և Մեծ Բրիտանիայի իշխանությունները զգուշացրել են Ռուսաստանին, որ անթույլատրել է օգտագործել «մարդասիրական օգնության տրամադրումը» որպես առիթ՝ Ուկրաինա խաղաղապահներ ուղարկելու համար: Այս մասին հաղորդում է BBC-ն:
Ցանկացած նման գործողություն «միանգամայն անթույլատրելի է և կդիտվի որպես ներխուժում Ուկրաինա», ասել է ՄԱԿ-ում ԱՄՆ-ի պաշտոնական ներկայացուցիչ Սամանտա Փաուերը:
«Ես հաստատուն կերպով կոչ եմ անում Ռուսաստանին զերծ մնալ ցանկացած տիպի սադրիչ գործողություններից»,- իր հերթին ընդգծել է Մեծ Բրիտանիայի արտգործնախարար Ֆիլիպ Համոնդը:
Նա նաև խիստ անհանգստություն է հայտնել այն լուրերի կապակցությամբ, որ Ռուսաստանի տարածքից Ուկրաինա է մտնում զենք և տեխնիկա, իսկ ռուսական զորքերը «մարդասիրական ներխուժման» զորավարժություններ են անցկացնում: Համոնդի խոսքով՝ նման ներխուժումը կդիտվի որպես անօրինական քայլ:
