Քաղաքացիական ակտիվիստ Աշոտ Հարությունյանը Հյուսիսային զորամասերից մեկում նորակոչիկ զինծառայողներից է: Մինչ ծառայությունը՝ նա ակտիվորեն պայքարում էր Աֆրիկյանների շենքի պահպանման համար:
Աշոտը վստահ է՝ այս պահին կարևորը հակառակորդի դեմ պայքարն է. «Քաղաքացիական ակտիվիստ, պայքարող բոլոր ընկերներիս բարևում եմ, թող ուժեղ մնան, անհրաժեշտության դեպքում գան և միանան հայոց բանակին, պարտավոր են: Հետո վերադառնալու եմ պայքարի նոր հարթակ»,- «Առաջին լրատվական»-ի հետ զրույցում ասաց զինծառայողը՝ հավելելով, որ նորակոչիկ մյուս զինվորների հետ հրամանատարությանը խնդրել են, որպեսզի իրենք ևս բարձրանան դիրքեր, բայց իր խոսքով՝ դեռ այդպիսի հնարավորություն չի ընձեռվել:
Ըստ նրա՝ այս պահին Ադրբեջանը ուղղակի սադրանքներ է իրականացնում՝ ինչ-ինչ շահերից ելնելով, բայց բուն պատերազմական գործողությունների պատրաստ չէ: «Վստահ եմ, որ մեր գեներալները ճիշտ ուղղությամբ կտանեն: Արյան գնով պահպանելու եմ իմ հայրենիքը»,- եզրափակեց նա:
Առավել մանրամասն՝ տեսանյութում:
